Ибрах1им Юсупов - "Г1арг1улийн назма..." - Страница 76

цветок Зандака · 22.11.2008, 13:41

***
Сихаллехь дицдина весеташ дайн,
Алийша, махкахой, вай мича хьаьвдда?
Гонаха бIаьрг тоха хан яц-те вайн?
Ма чIогIа цIубдо вай дуьненан хьаьвда?

Хьомечу дайн лаьттах сан лазам бу.
И бу ас гуттар а сайн кийрахь къуьйлуш.
Со иза иллешкахь дIакхайкхош ву,
Сих-сиха Даймахках дага а вуьйлуш,

Хийлазза: «Замано ерзайо чов»,
Бохуш, аш сан лерехь «зурманаш» лекхна.
Де-дийне сеттина лаьтта дIо стов,
Теш бу сан бераллин дIо берд а текхна.

Мичахь ду цаьршинна лерина гIо?
Дийцаре дийцина «заманан дарба»?
Стов шена чохь кхиъна хьун гIийла го,
Текхна берд хьанна а атта бу къарбан.

Цхьабакъду, хено ша ерзаяхь чов,
Ерзор ю вай гIодахь и ерзо цунна.
Хьурмато къовлур ду шен дашо ков
Бендацарх хIайкал дан мел гIертачунна.

Iаьржа бос — Iаьржа бу, ткъа кIайниг — кIайн.
Ма лара цхьатерра марзо а, стим а.
Кийрара саьхьарло дIаяккха шайн,
Юкъарчу гIуллакхийн ойлае жимма!

Хьаж-цIийнах таръелла кертара беш.
Вайх хIора дан гIерта Iар-дахар атта.
Iаламан чевнашна ваьш дарба деш,
Ларде вай, махкахой, Даймехкан латта.

Соьлжа-ГIала, 1980 шеран август

цветок Зандака · 22.11.2008, 13:42

ГIаргIулийн назма

Хийистехь вайшиъ лардеш, лаьтта гуьйре.
Шовдано вота етта тIулгаш тIехь.
ДIо мархаш ялош шен зIаьнаршца уьйре,
Малх каде хьийза баьлла гIушлакхехь.

Лаьттарчу ирсах хьоьгу стигал екош,
Хезаш ю къаьхьа назма гIаргIулийн.
Вайшиъ цIадоьду, дегнаш вовшех хьегош,
Йоццачу ханна кхузахь гар хуьлий…

ДIадоьду вайша шен-шен новкъа цIехьа,
Хиларх а ший а цхьана юьртахь Iаш.
ГIаргIулийн назма вай гуш гIелло гIеххьа,
Ма хуьлда-кх и вайн ирсан тIома каш…

I977 шеран ноябран I0 де

цветок Зандака · 22.11.2008, 13:43

Адамашка

Цхьанна а гиний-те, буьйсанех иэдеш сан денош,
Гуьйрено лайн чимаш, ткъа Iаьно можа гIаш Iенош?
Цхьанна а хаьий-те, хьунаре сан болар делош,
Мила ю сан некъийн чевнашна дарбанаш лелош?

Сахалин-гIайрене муьлхачу кхожо со тесна?
Дахаран хеттаршна жоьпаш а ас муха эцна?
Адамаш! Мацца-ъ со дIавоьдуш эхартан пана,
Ас шуна яржийна юьтур ю сайн иллийн кана.

Амма мел лерина листарх сан оьмаран жайна,
Цхьанна а хуур дац ас мичахь хIун бала лайна.
Цундела ма мотта со ваьхнехь, ца лелош хIилла,
Диканах вуон къасто ца хаъал со Iовдал хилла…

цветок Зандака · 23.11.2008, 14:38

Хьекъале латта

Моллас дIанисбешшехь упханийн лами,
Шабарца лаьтто а элира «Амин».
Коша тIе буттушехь хих буьзна чами,
Лаьтто а шабарца элира «Амин».

Чурта тIе язъелча стигалан ами,
Элира шабарца лаьтто а «Амин».
Мохь тоьхнна доIа дан хилча а аьтто,
Со теша, и дийр ма дацара лаьтто.

Велларг а, шех терра, тийна гуш, атта
Кхетара веллачух хьекъале латта.

Хоттане, 1980 шеран октябрь

цветок Зандака · 23.11.2008, 14:39

***
Муьргийн цIеша юьзна коьллаш,
Декъа шах-ших когаш кIел.
ГIаш ду оьгуш уггар тоьлларш,
ТIомахь махо дохуш пел.

Йоьду, сира стигал хедош,
Йоккха жIуга гIаргIулийн.
Вовшийн дезар халла къедош,
Вайша вовшийн чIогIа зийн.

Йогу гIанийн можа алу,
ТIе «хIуп» бохуш дерзано.
Вайга ваьснийн муьста талу
Марзоне ца дерзало.

Догу шийла туьтеш тхинан
Мажъеллачу бацалахь.
Ма къа ду вайн уьйран синан
Вай хердалар ла ца лахь.

Вайн къастаро тесна Iеха
Цкъа а ца леш хир бу-те?
ХIара гуьйре — некъ бу беха
Суна тIера хьуна тIе…

Хоттане, 1981 шеран гуьйре

цветок Зандака · 23.11.2008, 14:40

Къена луо

Миска луо-яI, хьох къахета суна.
Макхделла хьо, байна хьан кIайн бос.
Вовшашна хьо кхуьйсуш, горгдеш буйнахь,
Ловзуш ца го арахь берийн цIоз.

Ца до цара, хьалха санна, тергал,
Ца къерало церан хьоьца са.
Ховха бIаьсте мел гIоьрти а герга,
ГIеллуш, ахьа-м халла доьIу са.

Урамновкъахь, тхов тIехь ду хьо кхачош,
ДIадайна хьан чимийн дато аз.
Адамаша хоттах юьзна мачаш
ЦIанйо хьоьца, когаш хьоькхуш раз.

Миска луо-яI, хьох къахета суна.
Макхделла хьо, байна хьан кIайн бос.
Вовшашна хьо кхуьйсуш, горгдеш буйнахь,
Ловзуш ца го арахь берийн цIоз.

Даьрг1а, 1975 шеран март

цветок Зандака · 23.11.2008, 14:41

***
Шуьйрра беллабели б1аьргаш ненан,
Со ц1еххьана кхачарх яьлла цец и.
Цу б1аьргаш чохь бац-кха цхьа а кхерам.
Цу б1аьргаш чохь хазахетарш севци.

Ненан б1аьргаш бац-кха хИинца г1ийла.
Цу б1аьргаш чохь — ирс ду, доцуш доза.
Цу б1аьргаш чохь — ц1ена, даккхий, сирла
1ежаш санна, хазахетарш кхозу.

цветок Зандака · 24.11.2008, 11:32

Яздо ас, ц1ийх иэдеш шекъа,
Кехатах дог тешадеш.
Сан иллин мог1анаш хьекъа,
Токх а еш сан деган беш.

Со-м ян а кийча ву ч1аг1о,
Теш х1иттош ц1еналла син:
Ца еза кехатан аг1о,
Къарзъелла яьлча бен и.

Верриг а векхалуш сица,
Со ле1а ваьлча сайн г1ан,
Мог1анаш 1аьржачу ц1ийца
Чекхдуьйлу кехатах сан.

Гуш хета безачийн яххьаш,
Бахначийн эхарта д1а.
Сайн лаьмнийн къежделла баххьаш
Дага а лоьцуш со 1а.

Ца хилла тем леха оьшуш,
Даг чу дуьйш мог1анийн х1уш:
Уьш ду сан б1аьргаш чу хьоьжуш,
Царна чохь шаьш хьекъаш гуш.

Шерашна, шаьш идарх генна,
Сан башха къинхьегам тайн:
1аьржачу хьаьркашца денна
Къарздо ас кехаташ к1айн.

Ойланийн зирхан беш хама,
Йогу сан син кхерчан ц1е…
Т1аьххьарчу илланчийн зама
Мацца а кхочур ю т1е.

Хир вуй-те со церан декъах?
Хир вуй-те сан иллийн теш?
Яздо ас, ц1ийх иэдеш шекъа,
Кехатах дог тешадеш…

Хоттане, 1982 шеран февраль

цветок Зандака · 24.11.2008, 11:32

Цхьалле

Шийла цхьалла, суна евза хьо,
Девза хьан гIайгIанийн хIора сиз а.
Сан дахаран хийла къона шо
Дагий ахь хьайн набарзаллехь къиза.

Сица луьттуш хийла хьоме цIе,
БIаьргаш хьалха хIутту хийла иэшам.
Амма кхачарх уггар Iаьржа де,
Со ца къахко хьаьжна ирсах тешам.

Ваьхна со, дуьненах тардеш цIа,
Юххехь воцуш вевза-везарг цхьа а.
Цхьалла, агарх ахь сан ховха са,
Со хьан ницкъе къар ца велла цкъа а.

Шела, 1981 шеран февраль

цветок Зандака · 24.11.2008, 11:33

Нана-аьрзу...

Iажаркх-буц тIунъелча суьйренан тхишлахь,
Кху цIенчу дахарехь цхьанна-м наб ца кхета.
ХIай, Нана-аьрзу, хьо тховса ма йижалахь,
Хьайн кIорни яйъи ахь, суна хьох къахета.

Инзаре мохь бетташ суьйренан кIуьралахь,
Хьайн накха бетта ахь бузучу малхах.
Хьан доьхна дог Iийжош, тIехъюьйлу кIорнеш,
Ткъа хьайниг цаьрца яц — хьо йиси цхьалха.

Ма лаьа хьо хьаста буьйсанна беттан,
Хьан дагчу дIакхето сайн ирсе гIан.
Ма лаьа сахаддалц хьоьга мохь бетта:
«ХIай, Нана, со ва-й и-м — хьан вайна кIант!».

1977 шеран июль

22.11.2008, 13:41	#751
цветок Зандака Вес репутации: 27	*** Сихаллехь дицдина весеташ дайн, Алийша, махкахой, вай мича хьаьвдда? Гонаха бIаьрг тоха хан яц-те вайн? Ма чIогIа цIубдо вай дуьненан хьаьвда? Хьомечу дайн лаьттах сан лазам бу. И бу ас гуттар а сайн кийрахь къуьйлуш. Со иза иллешкахь дIакхайкхош ву, Сих-сиха Даймахках дага а вуьйлуш, Хийлазза: «Замано ерзайо чов», Бохуш, аш сан лерехь «зурманаш» лекхна. Де-дийне сеттина лаьтта дIо стов, Теш бу сан бераллин дIо берд а текхна. Мичахь ду цаьршинна лерина гIо? Дийцаре дийцина «заманан дарба»? Стов шена чохь кхиъна хьун гIийла го, Текхна берд хьанна а атта бу къарбан. Цхьабакъду, хено ша ерзаяхь чов, Ерзор ю вай гIодахь и ерзо цунна. Хьурмато къовлур ду шен дашо ков Бендацарх хIайкал дан мел гIертачунна. Iаьржа бос — Iаьржа бу, ткъа кIайниг — кIайн. Ма лара цхьатерра марзо а, стим а. Кийрара саьхьарло дIаяккха шайн, Юкъарчу гIуллакхийн ойлае жимма! Хьаж-цIийнах таръелла кертара беш. Вайх хIора дан гIерта Iар-дахар атта. Iаламан чевнашна ваьш дарба деш, Ларде вай, махкахой, Даймехкан латта. Соьлжа-ГIала, 1980 шеран август __________________ Дуьненчохь хьан меха цхаъа ца хета... Тешаме-тешаме, эсала-эсала...©

22.11.2008, 13:42	#752
цветок Зандака Вес репутации: 27	ГIаргIулийн назма Хийистехь вайшиъ лардеш, лаьтта гуьйре. Шовдано вота етта тIулгаш тIехь. ДIо мархаш ялош шен зIаьнаршца уьйре, Малх каде хьийза баьлла гIушлакхехь. Лаьттарчу ирсах хьоьгу стигал екош, Хезаш ю къаьхьа назма гIаргIулийн. Вайшиъ цIадоьду, дегнаш вовшех хьегош, Йоццачу ханна кхузахь гар хуьлий… ДIадоьду вайша шен-шен новкъа цIехьа, Хиларх а ший а цхьана юьртахь Iаш. ГIаргIулийн назма вай гуш гIелло гIеххьа, Ма хуьлда-кх и вайн ирсан тIома каш… I977 шеран ноябран I0 де __________________ Дуьненчохь хьан меха цхаъа ца хета... Тешаме-тешаме, эсала-эсала...©

22.11.2008, 13:43	#753
цветок Зандака Вес репутации: 27	Адамашка Цхьанна а гиний-те, буьйсанех иэдеш сан денош, Гуьйрено лайн чимаш, ткъа Iаьно можа гIаш Iенош? Цхьанна а хаьий-те, хьунаре сан болар делош, Мила ю сан некъийн чевнашна дарбанаш лелош? Сахалин-гIайрене муьлхачу кхожо со тесна? Дахаран хеттаршна жоьпаш а ас муха эцна? Адамаш! Мацца-ъ со дIавоьдуш эхартан пана, Ас шуна яржийна юьтур ю сайн иллийн кана. Амма мел лерина листарх сан оьмаран жайна, Цхьанна а хуур дац ас мичахь хIун бала лайна. Цундела ма мотта со ваьхнехь, ца лелош хIилла, Диканах вуон къасто ца хаъал со Iовдал хилла… __________________ Дуьненчохь хьан меха цхаъа ца хета... Тешаме-тешаме, эсала-эсала...©

23.11.2008, 14:38	#754
цветок Зандака Вес репутации: 27	Хьекъале латта Моллас дIанисбешшехь упханийн лами, Шабарца лаьтто а элира «Амин». Коша тIе буттушехь хих буьзна чами, Лаьтто а шабарца элира «Амин». Чурта тIе язъелча стигалан ами, Элира шабарца лаьтто а «Амин». Мохь тоьхнна доIа дан хилча а аьтто, Со теша, и дийр ма дацара лаьтто. Велларг а, шех терра, тийна гуш, атта Кхетара веллачух хьекъале латта. Хоттане, 1980 шеран октябрь __________________ Дуьненчохь хьан меха цхаъа ца хета... Тешаме-тешаме, эсала-эсала...©

23.11.2008, 14:39	#755
цветок Зандака Вес репутации: 27	*** Муьргийн цIеша юьзна коьллаш, Декъа шах-ших когаш кIел. ГIаш ду оьгуш уггар тоьлларш, ТIомахь махо дохуш пел. Йоьду, сира стигал хедош, Йоккха жIуга гIаргIулийн. Вовшийн дезар халла къедош, Вайша вовшийн чIогIа зийн. Йогу гIанийн можа алу, ТIе «хIуп» бохуш дерзано. Вайга ваьснийн муьста талу Марзоне ца дерзало. Догу шийла туьтеш тхинан Мажъеллачу бацалахь. Ма къа ду вайн уьйран синан Вай хердалар ла ца лахь. Вайн къастаро тесна Iеха Цкъа а ца леш хир бу-те? ХIара гуьйре — некъ бу беха Суна тIера хьуна тIе… Хоттане, 1981 шеран гуьйре __________________ Дуьненчохь хьан меха цхаъа ца хета... Тешаме-тешаме, эсала-эсала...©

23.11.2008, 14:40	#756
цветок Зандака Вес репутации: 27	Къена луо Миска луо-яI, хьох къахета суна. Макхделла хьо, байна хьан кIайн бос. Вовшашна хьо кхуьйсуш, горгдеш буйнахь, Ловзуш ца го арахь берийн цIоз. Ца до цара, хьалха санна, тергал, Ца къерало церан хьоьца са. Ховха бIаьсте мел гIоьрти а герга, ГIеллуш, ахьа-м халла доьIу са. Урамновкъахь, тхов тIехь ду хьо кхачош, ДIадайна хьан чимийн дато аз. Адамаша хоттах юьзна мачаш ЦIанйо хьоьца, когаш хьоькхуш раз. Миска луо-яI, хьох къахета суна. Макхделла хьо, байна хьан кIайн бос. Вовшашна хьо кхуьйсуш, горгдеш буйнахь, Ловзуш ца го арахь берийн цIоз. Даьрг1а, 1975 шеран март __________________ Дуьненчохь хьан меха цхаъа ца хета... Тешаме-тешаме, эсала-эсала...©

23.11.2008, 14:41	#757
цветок Зандака Вес репутации: 27	*** Шуьйрра беллабели б1аьргаш ненан, Со ц1еххьана кхачарх яьлла цец и. Цу б1аьргаш чохь бац-кха цхьа а кхерам. Цу б1аьргаш чохь хазахетарш севци. Ненан б1аьргаш бац-кха хИинца г1ийла. Цу б1аьргаш чохь — ирс ду, доцуш доза. Цу б1аьргаш чохь — ц1ена, даккхий, сирла 1ежаш санна, хазахетарш кхозу. __________________ Дуьненчохь хьан меха цхаъа ца хета... Тешаме-тешаме, эсала-эсала...©

24.11.2008, 11:32	#758
цветок Зандака Вес репутации: 27	Яздо ас, ц1ийх иэдеш шекъа, Кехатах дог тешадеш. Сан иллин мог1анаш хьекъа, Токх а еш сан деган беш. Со-м ян а кийча ву ч1аг1о, Теш х1иттош ц1еналла син: Ца еза кехатан аг1о, Къарзъелла яьлча бен и. Верриг а векхалуш сица, Со ле1а ваьлча сайн г1ан, Мог1анаш 1аьржачу ц1ийца Чекхдуьйлу кехатах сан. Гуш хета безачийн яххьаш, Бахначийн эхарта д1а. Сайн лаьмнийн къежделла баххьаш Дага а лоьцуш со 1а. Ца хилла тем леха оьшуш, Даг чу дуьйш мог1анийн х1уш: Уьш ду сан б1аьргаш чу хьоьжуш, Царна чохь шаьш хьекъаш гуш. Шерашна, шаьш идарх генна, Сан башха къинхьегам тайн: 1аьржачу хьаьркашца денна Къарздо ас кехаташ к1айн. Ойланийн зирхан беш хама, Йогу сан син кхерчан ц1е… Т1аьххьарчу илланчийн зама Мацца а кхочур ю т1е. Хир вуй-те со церан декъах? Хир вуй-те сан иллийн теш? Яздо ас, ц1ийх иэдеш шекъа, Кехатах дог тешадеш… Хоттане, 1982 шеран февраль __________________ Дуьненчохь хьан меха цхаъа ца хета... Тешаме-тешаме, эсала-эсала...©

24.11.2008, 11:32	#759
цветок Зандака Вес репутации: 27	Цхьалле Шийла цхьалла, суна евза хьо, Девза хьан гIайгIанийн хIора сиз а. Сан дахаран хийла къона шо Дагий ахь хьайн набарзаллехь къиза. Сица луьттуш хийла хьоме цIе, БIаьргаш хьалха хIутту хийла иэшам. Амма кхачарх уггар Iаьржа де, Со ца къахко хьаьжна ирсах тешам. Ваьхна со, дуьненах тардеш цIа, Юххехь воцуш вевза-везарг цхьа а. Цхьалла, агарх ахь сан ховха са, Со хьан ницкъе къар ца велла цкъа а. Шела, 1981 шеран февраль __________________ Дуьненчохь хьан меха цхаъа ца хета... Тешаме-тешаме, эсала-эсала...©

24.11.2008, 11:33	#760
цветок Зандака Вес репутации: 27	Нана-аьрзу... Iажаркх-буц тIунъелча суьйренан тхишлахь, Кху цIенчу дахарехь цхьанна-м наб ца кхета. ХIай, Нана-аьрзу, хьо тховса ма йижалахь, Хьайн кIорни яйъи ахь, суна хьох къахета. Инзаре мохь бетташ суьйренан кIуьралахь, Хьайн накха бетта ахь бузучу малхах. Хьан доьхна дог Iийжош, тIехъюьйлу кIорнеш, Ткъа хьайниг цаьрца яц — хьо йиси цхьалха. Ма лаьа хьо хьаста буьйсанна беттан, Хьан дагчу дIакхето сайн ирсе гIан. Ма лаьа сахаддалц хьоьга мохь бетта: «ХIай, Нана, со ва-й и-м — хьан вайна кIант!». 1977 шеран июль __________________ Дуьненчохь хьан меха цхаъа ца хета... Тешаме-тешаме, эсала-эсала...©

Опции темы
Версия для печати Отправить по электронной почте