Ибрах1им Юсупов - "Г1арг1улийн назма..." - Страница 74

цветок Зандака · 18.11.2008, 10:29

Дарц даларх лекхачу ломахь,
Махо а лекхарх шок-зурма,
И аьрзу ца юху боларх,
Цо дегI шен латтадо кура.

Йисарх а тIемаш а дойна,
Ницкъ боцуш цу стигла яла,
И гур яц гIелйина ойла,
Балхабеш шегара бала.

Хилла-кха олуш цундела
Тохара ахь соьга, нана:
«Халонех цкъа а ца кхера
Ламанан аьрзунах Iама…».

Хоттане, 1975 шо

цветок Зандака · 18.11.2008, 10:29

* * *
ХIан-хIа, хьо яц суна хийра,
Сан ойла хьоьх чIогIа летта.
Со веха, къоначу кийра
Малх санна, сатийсам кхетта.

Лазамийн некъашца лелла
Сан са ду астагIа жимма.
ХIоттахь а марзонна къелла,
И даим къаръер ю шимма…

Дохадеш гIайгIанан Iедал,
Хьан ойла ас йоккху маьрша.
Марзонийн генаш дIакхеддал
Къиза яц заманан аьрша.

Хийрачу дегнаша лешош
Питанаш, гIийбаташ, хьаьгIнаш,
Къастаран шокъалеш эшош,
Iаш ду сан безаман гIаьгIнаш.

Илланча винарг хьан озо
Ца ваьлла верриг а ваьгна.
Сайн ирсан секхаIад озо
Хьо гича хуьлий со-м хьаьгна…

Победино, 1980 шеран февраль

цветок Зандака · 18.11.2008, 10:30

Хьо дIайоьду, денойн уьйриг керчош,
Цуьнах дуцуш некъан керла тай.
Хьан аматаш ойланашла хьерчош,
Сох а хили сингаттаман лай.

Хаац хIунда, хьо, сихъелла йоьдуш,
Ас багарбо ахь мел боккху ког?
Малхо анайисте хьаьдда боьдуш,
ТIекIел даьккхи хьоьх сан дуьзна дог.

Хьо сан мила ю-те хаьа хьанна?
Шовда бен вайн уьйран вуй-те теш?
Ахь ду эли хIара къастар ханна,
КIира даьлча цIаяр хьехадеш.

КIеза санна, идда хьуна тIаьхьа,
КIад а белла, мох а кхечи схьа.
ХIинца иза, ойланаш еш къаьхьа,
ХьаьжкIаш санна, дитташ тилош Iа.

ДIагIо тIаккха, некъ нисбойла Дала.
ГIайгIа сан хьан некъан накъост ю.
Хаац суна-м, кхин ас хьоь хIун ала,
Ша ца алахь хьо — сан дахар ду…

Ведана, 1981 шеран ноябрь

цветок Зандака · 18.11.2008, 10:31

Дехар...

Г1ертац со тийналлехь
Шовданчу варжа.
Д1о-о малх-м сийналлехь
Сох боьлийц, маржа…

Гуш юй хьо: дог кхехка,
Синтем ца лайна.
Яций хьо сох къехкаш,
Тем лехна хьайнна?..

Сайн даг т1ехь ас х1оккхул
Да1 лайчаъ дехха,
Доццушехь и доккха,
Сов ду-кх сан дехар.

Дарвелла малх цесттал,
Со-м хьийза воьхна:
Буй-те и малх ц1еста
Хьох куьйгаш тоьхна?

Иэделла хьан вастах
Сайн дош кароза,
Барт боккхуш, хьо хьаста
Хир юй таро сан?

Гуш юй хьо дог кхехкар,
Синтем ца лайна?
Доьху сайх ца къехкар,
Тем лоьхуш хьайнна.

Дарвелла, малх цесттал,
Со-м хьийза воьхна.
Хир бу-кх и малх ц1еста
Хьох куьйгаш тоьхна…

Ведана, 1978 шо

цветок Зандака · 19.11.2008, 12:33

Даймахко Iамийна со...

Сайн мехкан хьал даккха сов,
Диц ца дан Кавказан лаьмнаш,
Ца къесто дуьненан къаьмнаш
Даймахко Iамийна со.

Мох хьакхарх, яржаеш ткъов,
Юьхь-сибат ца лечкъо дорцах,
Оьшшучохь гIатта а орцах
Даймахко Iамийна со.

ТIехцIена леладеш дог,
Безаршца сов бертахь ваха,
Шех лаьцна иллеш а даха
Даймахко Iамийна со.

Хьешана дIаделла ков,
Яхь-гIиллакх лардан сайн къоман,
ХьагI лелош, ца хьежа гома
Даймахко Iамийна со.

Хоттане, I973 шо

цветок Зандака · 19.11.2008, 12:36

Шовданан йиш...

Шатайпа ду шовда — шен аз ца хуьйцуш,
Даим цхьанаэшшара охьаихна и.
ДIадовларх бIешераш, кортош а туьлуш,
Шовда-м ду лоькхуш шен къан ца ло йиш.

ХIара шовда цкъа мацах сан деден дас а
Мелла хир канашкахь, Iабош шен дог.
Цу хенан мехаша къажйина хьаннаш
Заманан тукаро кхедина го.

Хийцамийн зил буьтуш горгачу лаьттахь,
Адамех хийламмо тIеэцна каш.
И тIулган бIаьвнаш а замано аьтта,
Лаьттах дIашарделла дай кхаьбна кхаш.

Ткъа хIунда ца лекъна ламанан шовда,
Къамкъарг а якъалуш, хелаш шен йиш?
Лаьмнийн цу кийрахь а хIорд бу-те боккха,
ТIекхоьхьуш шовданна дарбане хиш?

Массо а заманан бакъдолу верас
Ду боху шовдано шен шийла хи-м…
Хетало цо лоькху йиш а цундела
Лендоцчу дахарна лерина гимн!..

Хоттане, 1974 шеран март

цветок Зандака · 19.11.2008, 12:36

Тийналла

Сан дагна тIехула лепаш
Даим а сийналла ю.
Сан байтийн Iаьнарехь дебаш
Мукъаме тийналла ю.

Аренан тийналла, ломан
ГIургIезан мас санна, яйн.
Тийналла хьуьнхарчу Iоман —
Аз доцу весет сан дайн.

Тийналло дарба дой, цкъацкъа
Дерзадо дагчуьра даI.
Амма и ханна бен яц-кха —
Байттамал, байттамал-яI…

Хоттане, 1980 шеран июль

цветок Зандака · 19.11.2008, 12:37

***
Х1унда ду сатийсар гуттар а г1айг1анах ийна?
Вовшашка сатуьйсуш вайшиъ а к1еззиг ца 1ийна…

Цхьа хазахетар ду сагатдар х1ун ду ца хууш —
Хаац-кха, вай х1унда дацара цуьнца 1ан лууш.

Къоначу лехамехь цхьа сонта цакхетам 1аь1на,
Вай хууш дацара атта дуй дахаран маь1на:

Муьлхха вай яккхахь а ирсан раг1 лацаран лоьмар,
Ханна бен яц-кха вай идочу г1уллакхийн оьмар.

Абаде чолхе ю вай дуьхе ца кхиъал цкъа а -
Дуьненчохь хан йоккхуш цунна т1е ца къаьчна цхьа а.

Хеназа хьийзабеш хиндолчун собаре бера,
Гуш йоцчу чаккхене вай ч1ог1а сатийсинера.

Со ч1ог1а реза ву вай иштта тем байна 1ерна,
Хан т1е ма-кхаьччи бен хир доцче сатуьйсуш эрна,

Ца хууш, дахаран жам1аш дар хир доций нийса
Болийна некъ бина валанза — гара я нийса…

Хоттане, 1981 шеран январь

цветок Зандака · 20.11.2008, 13:32

Нене

Корталица хьайн букъ т1е д1авоьхкий,
Нана, ахь со лелавора гихь.
Нана, и сан дечган ага техкош,
Соь наб яйта, наб ца йора ахь.

Хьо-м таханаъ юьжуш яц хьайн хенахь,
Сагатдо ахь. Йо ахь ойланаш.
Реза яц хьо хиларна со генахь,
Хьело бохуш новкъахь кехаташ.

Суьйре еъча, цу вайн корах ц1ийнан
Детташ хьочо шен баьццара га,
Т1ам кагбелла хьоза санна, тийна,
Соне хоий, хьо г1айг1ане 1а…

Хьан ц1аро бен ца бохби сан когаш,
Нана, ахь латий сан дагчохь ц1е.
Ас сайн х1ара салтичун погонаш
Хьоь наб яйта тегна белшаш т1е.

Победино, 1978 шеран август

цветок Зандака · 20.11.2008, 13:33

***
Седарчийн буьйсано биллинчу б1аьрго
Тийналлин 1индаг1на ца бетта пе.
Сайн дагалецамехь ас лоьху м1аьрго
Дуьххьара ялийнарг хьо сайна т1е.

Мархаш а к1ад ца ло беттаса къийса,
Х1авао шайна т1ехь мел буг1у бохь.
Хьан вастан б1арлаг1а тховса а хьийза
Мохтиле ца карош сан б1аьргаш чохь.

Буц а ю, зезагий оьхкина коча,
Баьццарчу юьхьт1ера д1ахьоькхуш тхиш.
Бохь-генаш уьйт1арчу хьаьрсачу хьочан
Лоькхуш 1а сан дагна хьоьх лаьцна йиш.

1аламан аьзнаша буьйсанан карахь
Хьо дагатийсарна кула ца йо.
Сан ч1ог1а садукъло г1айг1анан марахь,
Ойланийн куьг кочехь ца хилча хьо.

Баттана юххера седарчийн хорха
Маццалцца хир ю-те сан б1аьргийн стом?
Эхарта йоьдуш сайн оьмаран йорг1а,
Дин хийца йиш йоцу бере ву со-м…

Хоттане, 1980 шеран аьхке

18.11.2008, 10:29	#731
цветок Зандака Вес репутации: 27	Дарц даларх лекхачу ломахь, Махо а лекхарх шок-зурма, И аьрзу ца юху боларх, Цо дегI шен латтадо кура. Йисарх а тIемаш а дойна, Ницкъ боцуш цу стигла яла, И гур яц гIелйина ойла, Балхабеш шегара бала. Хилла-кха олуш цундела Тохара ахь соьга, нана: «Халонех цкъа а ца кхера Ламанан аьрзунах Iама…». Хоттане, 1975 шо __________________ Дуьненчохь хьан меха цхаъа ца хета... Тешаме-тешаме, эсала-эсала...©

18.11.2008, 10:29	#732
цветок Зандака Вес репутации: 27	* * * ХIан-хIа, хьо яц суна хийра, Сан ойла хьоьх чIогIа летта. Со веха, къоначу кийра Малх санна, сатийсам кхетта. Лазамийн некъашца лелла Сан са ду астагIа жимма. ХIоттахь а марзонна къелла, И даим къаръер ю шимма… Дохадеш гIайгIанан Iедал, Хьан ойла ас йоккху маьрша. Марзонийн генаш дIакхеддал Къиза яц заманан аьрша. Хийрачу дегнаша лешош Питанаш, гIийбаташ, хьаьгIнаш, Къастаран шокъалеш эшош, Iаш ду сан безаман гIаьгIнаш. Илланча винарг хьан озо Ца ваьлла верриг а ваьгна. Сайн ирсан секхаIад озо Хьо гича хуьлий со-м хьаьгна… Победино, 1980 шеран февраль __________________ Дуьненчохь хьан меха цхаъа ца хета... Тешаме-тешаме, эсала-эсала...©

18.11.2008, 10:30	#733
цветок Зандака Вес репутации: 27	Хьо дIайоьду, денойн уьйриг керчош, Цуьнах дуцуш некъан керла тай. Хьан аматаш ойланашла хьерчош, Сох а хили сингаттаман лай. Хаац хIунда, хьо, сихъелла йоьдуш, Ас багарбо ахь мел боккху ког? Малхо анайисте хьаьдда боьдуш, ТIекIел даьккхи хьоьх сан дуьзна дог. Хьо сан мила ю-те хаьа хьанна? Шовда бен вайн уьйран вуй-те теш? Ахь ду эли хIара къастар ханна, КIира даьлча цIаяр хьехадеш. КIеза санна, идда хьуна тIаьхьа, КIад а белла, мох а кхечи схьа. ХIинца иза, ойланаш еш къаьхьа, ХьаьжкIаш санна, дитташ тилош Iа. ДIагIо тIаккха, некъ нисбойла Дала. ГIайгIа сан хьан некъан накъост ю. Хаац суна-м, кхин ас хьоь хIун ала, Ша ца алахь хьо — сан дахар ду… Ведана, 1981 шеран ноябрь __________________ Дуьненчохь хьан меха цхаъа ца хета... Тешаме-тешаме, эсала-эсала...©

18.11.2008, 10:31	#734
цветок Зандака Вес репутации: 27	Дехар... Г1ертац со тийналлехь Шовданчу варжа. Д1о-о малх-м сийналлехь Сох боьлийц, маржа… Гуш юй хьо: дог кхехка, Синтем ца лайна. Яций хьо сох къехкаш, Тем лехна хьайнна?.. Сайн даг т1ехь ас х1оккхул Да1 лайчаъ дехха, Доццушехь и доккха, Сов ду-кх сан дехар. Дарвелла малх цесттал, Со-м хьийза воьхна: Буй-те и малх ц1еста Хьох куьйгаш тоьхна? Иэделла хьан вастах Сайн дош кароза, Барт боккхуш, хьо хьаста Хир юй таро сан? Гуш юй хьо дог кхехкар, Синтем ца лайна? Доьху сайх ца къехкар, Тем лоьхуш хьайнна. Дарвелла, малх цесттал, Со-м хьийза воьхна. Хир бу-кх и малх ц1еста Хьох куьйгаш тоьхна… Ведана, 1978 шо __________________ Дуьненчохь хьан меха цхаъа ца хета... Тешаме-тешаме, эсала-эсала...©

19.11.2008, 12:33	#735
цветок Зандака Вес репутации: 27	Даймахко Iамийна со... Сайн мехкан хьал даккха сов, Диц ца дан Кавказан лаьмнаш, Ца къесто дуьненан къаьмнаш Даймахко Iамийна со. Мох хьакхарх, яржаеш ткъов, Юьхь-сибат ца лечкъо дорцах, Оьшшучохь гIатта а орцах Даймахко Iамийна со. ТIехцIена леладеш дог, Безаршца сов бертахь ваха, Шех лаьцна иллеш а даха Даймахко Iамийна со. Хьешана дIаделла ков, Яхь-гIиллакх лардан сайн къоман, ХьагI лелош, ца хьежа гома Даймахко Iамийна со. Хоттане, I973 шо __________________ Дуьненчохь хьан меха цхаъа ца хета... Тешаме-тешаме, эсала-эсала...©

19.11.2008, 12:36	#736
цветок Зандака Вес репутации: 27	Шовданан йиш... Шатайпа ду шовда — шен аз ца хуьйцуш, Даим цхьанаэшшара охьаихна и. ДIадовларх бIешераш, кортош а туьлуш, Шовда-м ду лоькхуш шен къан ца ло йиш. ХIара шовда цкъа мацах сан деден дас а Мелла хир канашкахь, Iабош шен дог. Цу хенан мехаша къажйина хьаннаш Заманан тукаро кхедина го. Хийцамийн зил буьтуш горгачу лаьттахь, Адамех хийламмо тIеэцна каш. И тIулган бIаьвнаш а замано аьтта, Лаьттах дIашарделла дай кхаьбна кхаш. Ткъа хIунда ца лекъна ламанан шовда, Къамкъарг а якъалуш, хелаш шен йиш? Лаьмнийн цу кийрахь а хIорд бу-те боккха, ТIекхоьхьуш шовданна дарбане хиш? Массо а заманан бакъдолу верас Ду боху шовдано шен шийла хи-м… Хетало цо лоькху йиш а цундела Лендоцчу дахарна лерина гимн!.. Хоттане, 1974 шеран март __________________ Дуьненчохь хьан меха цхаъа ца хета... Тешаме-тешаме, эсала-эсала...©

19.11.2008, 12:36	#737
цветок Зандака Вес репутации: 27	Тийналла Сан дагна тIехула лепаш Даим а сийналла ю. Сан байтийн Iаьнарехь дебаш Мукъаме тийналла ю. Аренан тийналла, ломан ГIургIезан мас санна, яйн. Тийналла хьуьнхарчу Iоман — Аз доцу весет сан дайн. Тийналло дарба дой, цкъацкъа Дерзадо дагчуьра даI. Амма и ханна бен яц-кха — Байттамал, байттамал-яI… Хоттане, 1980 шеран июль __________________ Дуьненчохь хьан меха цхаъа ца хета... Тешаме-тешаме, эсала-эсала...©

19.11.2008, 12:37	#738
цветок Зандака Вес репутации: 27	*** Х1унда ду сатийсар гуттар а г1айг1анах ийна? Вовшашка сатуьйсуш вайшиъ а к1еззиг ца 1ийна… Цхьа хазахетар ду сагатдар х1ун ду ца хууш — Хаац-кха, вай х1унда дацара цуьнца 1ан лууш. Къоначу лехамехь цхьа сонта цакхетам 1аь1на, Вай хууш дацара атта дуй дахаран маь1на: Муьлхха вай яккхахь а ирсан раг1 лацаран лоьмар, Ханна бен яц-кха вай идочу г1уллакхийн оьмар. Абаде чолхе ю вай дуьхе ца кхиъал цкъа а - Дуьненчохь хан йоккхуш цунна т1е ца къаьчна цхьа а. Хеназа хьийзабеш хиндолчун собаре бера, Гуш йоцчу чаккхене вай ч1ог1а сатийсинера. Со ч1ог1а реза ву вай иштта тем байна 1ерна, Хан т1е ма-кхаьччи бен хир доцче сатуьйсуш эрна, Ца хууш, дахаран жам1аш дар хир доций нийса Болийна некъ бина валанза — гара я нийса… Хоттане, 1981 шеран январь __________________ Дуьненчохь хьан меха цхаъа ца хета... Тешаме-тешаме, эсала-эсала...©

20.11.2008, 13:32	#739
цветок Зандака Вес репутации: 27	Нене Корталица хьайн букъ т1е д1авоьхкий, Нана, ахь со лелавора гихь. Нана, и сан дечган ага техкош, Соь наб яйта, наб ца йора ахь. Хьо-м таханаъ юьжуш яц хьайн хенахь, Сагатдо ахь. Йо ахь ойланаш. Реза яц хьо хиларна со генахь, Хьело бохуш новкъахь кехаташ. Суьйре еъча, цу вайн корах ц1ийнан Детташ хьочо шен баьццара га, Т1ам кагбелла хьоза санна, тийна, Соне хоий, хьо г1айг1ане 1а… Хьан ц1аро бен ца бохби сан когаш, Нана, ахь латий сан дагчохь ц1е. Ас сайн х1ара салтичун погонаш Хьоь наб яйта тегна белшаш т1е. Победино, 1978 шеран август __________________ Дуьненчохь хьан меха цхаъа ца хета... Тешаме-тешаме, эсала-эсала...©

20.11.2008, 13:33	#740
цветок Зандака Вес репутации: 27	*** Седарчийн буьйсано биллинчу б1аьрго Тийналлин 1индаг1на ца бетта пе. Сайн дагалецамехь ас лоьху м1аьрго Дуьххьара ялийнарг хьо сайна т1е. Мархаш а к1ад ца ло беттаса къийса, Х1авао шайна т1ехь мел буг1у бохь. Хьан вастан б1арлаг1а тховса а хьийза Мохтиле ца карош сан б1аьргаш чохь. Буц а ю, зезагий оьхкина коча, Баьццарчу юьхьт1ера д1ахьоькхуш тхиш. Бохь-генаш уьйт1арчу хьаьрсачу хьочан Лоькхуш 1а сан дагна хьоьх лаьцна йиш. 1аламан аьзнаша буьйсанан карахь Хьо дагатийсарна кула ца йо. Сан ч1ог1а садукъло г1айг1анан марахь, Ойланийн куьг кочехь ца хилча хьо. Баттана юххера седарчийн хорха Маццалцца хир ю-те сан б1аьргийн стом? Эхарта йоьдуш сайн оьмаран йорг1а, Дин хийца йиш йоцу бере ву со-м… Хоттане, 1980 шеран аьхке __________________ Дуьненчохь хьан меха цхаъа ца хета... Тешаме-тешаме, эсала-эсала...©

Опции темы
Версия для печати Отправить по электронной почте