Ибрах1им Юсупов - "Г1арг1улийн назма..." - Страница 19

цветок Зандака · 03.07.2008, 13:52

Дехар...

Г1ертац со тийналлехь
Шовданчу варжа.
Д1о-о малх-м сийналлехь
Сох боьлийц, маржа…

Гуш юй хьо: дог кхехка,
Синтем ца лайна.
Яций хьо сох къехкаш,
Тем лехна хьайнна?..

Сайн даг т1ехь ас х1оккхул
Да1 лайчаъ дехха,
Доццушехь и доккха,
Сов ду-кх сан дехар.

Дарвелла малх цесттал,
Со-м хьийза воьхна:
Буй-те и малх ц1еста
Хьох куьйгаш тоьхна?

Иэделла хьан вастах
Сайн дош кароза,
Барт боккхуш, хьо хьаста
Хир юй таро сан?

Гуш юй хьо дог кхехкар,
Синтем ца лайна?
Доьху сайх ца къехкар,
Тем лоьхуш хьайнна.

Дарвелла, малх цесттал,
Со-м хьийза воьхна.
Хир бу-кх и малх ц1еста
Хьох куьйгаш тоьхна…

Ведана, 1978 шо

цветок Зандака · 03.07.2008, 13:53

Хьо яц соьца х1инца:
Г1айг1а т1ехили.
Гена дели ирс а,
Юха ца дан кхин.

Га кагдели диттан.
Дог1а т1ехтили.
Ас мел ч1ог1а литтарх,
Боьха диси хи.

Зарзар кхин ца йийки,
Эшарш ца лийкхи.
Сан синхаам иккхи.
Денлур бац и кхин....

Хоттане, 1977 шо

цветок Зандака · 03.07.2008, 13:57

Хьайна т1е вон деъча, нахе ма дийца,
Хьайн деган к1оргенехь д1ахьулде и.
Моьттуш хьайх доглаза массо ву кийча,
Ма леха хийрачийн б1аьргаш чохь хи..

Мегар ду, кхечуьнца и хилча санна,
Ахь дийца хьайн вон а, хьуо 1а ца лахь.
Хьан дагна парг1ато хилча а ханна,
Жимъяла там бу ахь лайначун къахь..

Делахь а, набаро хьайна не1 йоьллуш,
Хезар ду хьуна хьайн г1енашна хехь
Кхетамна галдаьлла хьайн син иэс доьлуш,
Цул т1аьхьа и тийжаш хьайн дагна т1ехь...

Победино, 1979 шеран январь

Ма ца хаа вайна наггахь а т1е деана вуо деган к1оргенехь лачкъадан...

цветок Зандака · 05.07.2008, 02:22

Г1орийна зезагаш...

Маьлхан б1аьрг санна и шайн кортош можа
Лепадеш, техкара зезагаш байт1ехь.
Мехаша г1аттийча шайн 1алаг1ожа,
1ара уьш, вовшашна т1ете1аш, бертахь.

Ц1еххьана кхаьчначу шийлачу 1аьно,
Кхелира зезагаш даточу тирца.
Уьш денна шелдора лайн чимийн б1ано
Кортош т1е беттачу эсаран кирца.

Зезагийн хазалла яйра, бос байна.
Азделла сов г1ийла уьш суна дайра.
Уьш марг1ал дуьйлира, шело ца лайна.
И сурт гуш б1аьрхиш а сан меттаххьайра.

Со сихха кхийтира хиллачух т1аккха:
Зезагийн г1орийна мутт лекъна хилла.
Хетара уьш г1ерта сайга бехк баккха,
Гича уьш лаьтта т1е д1адуьйшуш г1ийла.

Доккха луо диллира цул т1аьхьа лаьтта,
Деэшна зезагий къайла а дохуш…
Уьш дагалоьцуш со х1инца а лаьтта,
Къинхетам синпхенех сайн чекх а бохуш..

Саралжин, I974 шо

цветок Зандака · 05.07.2008, 02:24

Цхьаъ бен йоцург, хьо мичахь ю-те?
Де дIадоьду, буьйса йогIу тIе,
Шен боданца седарчий а хьоьшуш.
Даг чохь башош сингаттаман ша,

Мин-минотехь туьйсуш хьоьга са,
Со а хуьлда цхьаъ хьо яре хьоьжуш.
Цхьаъ бен йоцург сан кху лаьтта тIехь,
Мел Iийр ву-те хьан аматийн хехь,

Суна цкъа а гина йоцу хьаша?
Ахь сан массо ойла дашо йо.
Сан байташкахь боьзна яьлла хьо
Сатийсамийн сирла гезгамаша.

Цхьаъ бен йоцург… Хьо — ас доьIу са.
Синхаамаш ас чугулбо цIа.
Ала, мичахь ю хьо еха хIусам?
Хьо схьалоьхуш, дуьне гездеш кIайн,

Мел талламаш бан безахь а сайн,
Хьо схьакаро ондда сацам бу сан.
Цхьаъ бен йоцург. Ас хьо лохур ю.
Со хьо йоцуш вайна ваьлла ву.

Хилахь суна вай гале а реза.
Со хьоьх хьоьгу шортта шераш ду.
Хьо сан уггар коьрта лехам бу.
Хьо цхьаъ бен со лууш вац-кха еза.

Победино, 1980 шеран январь

цветок Зандака · 06.07.2008, 12:43

Боллан дитте

Боллан диттан лайно къеждо генаш,
Даг т1е туьйсуш йовхо йоцу г1енаш.

Генийн кийрахь б1аьста идда мутта,
Моьттур дац хьо лекъна хир ду гуттар!

Лаьтта бухахь боллан къона орам
Меттах ца хьов, хилча санна хорам.

Б1аьста малхе кхийдаш хилла бохь а
Х1инца г1ийла кхозу лаьтта охьа.

Йицйи-те ахь, балл, хьайн къона зама,
Хала ду хьуна шело эшон 1ама?

Лаац хила хьо дорцана къера,
Цуьнца къийсам латтабе, ма кхера!

Гулдай дерриг хьайгахь хилла г1ора,
Лаьттах йовхо ийзош, денбе орам.

Хиларх х1ун ду хьо цкъачунна къоьжа:
Маьлхан б1аьрг хьоь дегайовхонца хьоьжу —

Кийча хила дег1 хьайн малхе даккха!
Кийча хила б1аьста зазадаккха!

Хоттане, 1978 шеран апрель

цветок Зандака · 06.07.2008, 12:44

Ц1а до-кха, х1иттадеш кораш,
Не1арш а — оьшшучохь д1а.
Хинйолчу шен уьйт1а нораш
Шершадеш, безам а 1а.

Чутуху тоьллачех аннаш.
Хьалабо исбаьхьа тхов.
Чоьнаш ю — безаман баннаш,
Ткъа ц1а ша — кхолламан б1ов.

Ц1а долу шатайпа серла,
Къона шиъ чудерзадеш.
Кхерч кхуллуш цаьршинна керла,
Массара белхи а беш.

Безам бац хьостамех ийна,
Я къовлуш, т1етоьхна у.
Амма ша чохь 1ачу ц1ийнан
Г1ишлонал ч1ог1а и бу.

Хоттане, 1975 шеран июнь

цветок Зандака · 08.07.2008, 13:08

Даго бен дог 1абош дац...

1.

Ц1ехьа некъ бахьаш, со геннара вог1уш,
Хьагвелла хьаьвзира, тоха са доцуш.

Со, бердах схьалеша шовда а гина,
Цунна т1е вахара, болар сихдина.

Бертал а воьжна, ас и шовда шийла
Мелира, 1абош сайн бохбелла кийра.

Ша керчош лаьтташехь т1улгаш т1ехь махо,
Сан дог 1абийра-кха шовданан даго.

2.

Генахь 1аш дуккха а шераш а девлла,
Вара со ц1авог1уш суо винчу эвла.

Эвла чу со вулуш, хадийна аре,
Сан езар 1аш яра хьоьжуш со варе.

И гича, безаман йийсарехь 1ийна
Сан дог г1аддахара цхьа тамашийна.

Езачун даго сан г1айг1а д1амелла,
1абийра сан дог, шен йовхо а елла.

3.

Езачун синхаам балийна берта,
Кхечира со нана 1аш йолчу керта.

Сов хаза хетарна, б1аьргех хи даьлла,
Хьаьвзира сан нана вуно х1айтъаьлла.

Нанна сагатдина, овгал сан деган
Сатуьйсуш 1ийнера цкъа иштта де ган!

Сан ненан даго, шен къинхетам ботуш,
Сан дог шех 1абийра, барам а боцуш.

Эххар ас сацам би дахаран хьаьттахь:
«Даго бен дог 1абош ца хилла лаьттахь»...

Саралжин, I974 шо

цветок Зандака · 08.07.2008, 13:10

Дерриг дицди… Кхийдац со кхин ирсан ц1аре.
Суо 1аш ву со, кху тийналлех буьзна б1аьрг.
Х1етте а, со-м ву сатуьйсуш цхьа йо1 гаре,
Ца хууш ерг сан дахаран цхьа а хьаьрк.

Цуьнан дуьхьа сайн г1уллакхаш д1а а тесна,
Со шайх хьегна дерриг хьашташ довлуш сов,
Цунна коч ян тоьлла дари, махмар эцна,
Кхочур вара и 1аш йолчу юьрта со.

Цунна т1аьхьа, гезъеш луьста, акха хьаннаш,
Г1ур вара со, дорцехь техкош ага син…
…Хир вара со тоьаш, тера хилчахьанна
Ас цкъа мацах бехках лар ца йинчух и…

Хоттане, 1977 шо

цветок Зандака · 09.07.2008, 02:26

Лекъаш, лекъаш…
К1орда ца деш, эшарш лекхна,
Сийна аьхке тили т1ех.
1оврийн доьхка юкъах доьхкий,
Г1арг1улеш къилбехьа лоьхкуш,
Гуьйре чоьхьа г1ерта кех.

Некъаш дохкуш баца т1оьхла,
Хийла хилла некъийн ох1ла,
Даккъаш цоьстуш, лелла со.
Къилбе доьлху олхазараш,
Шун т1емаш к1ел сан ирс дара,
Кхин ирс дуй-те хьаста дог?

Лууш ву шу юхадахка
Со а, шу а динчу махка,
Нехан ареш тосуш д1а.
Со-м ма вац сайн махкахь г1ийла,
Лууш а вац т1ома вийла,
Т1едог1уш Даймехкан 1а…

I977 шеран сентябран 24 де

03.07.2008, 13:52	#181
цветок Зандака Вес репутации: 27	Дехар... Г1ертац со тийналлехь Шовданчу варжа. Д1о-о малх-м сийналлехь Сох боьлийц, маржа… Гуш юй хьо: дог кхехка, Синтем ца лайна. Яций хьо сох къехкаш, Тем лехна хьайнна?.. Сайн даг т1ехь ас х1оккхул Да1 лайчаъ дехха, Доццушехь и доккха, Сов ду-кх сан дехар. Дарвелла малх цесттал, Со-м хьийза воьхна: Буй-те и малх ц1еста Хьох куьйгаш тоьхна? Иэделла хьан вастах Сайн дош кароза, Барт боккхуш, хьо хьаста Хир юй таро сан? Гуш юй хьо дог кхехкар, Синтем ца лайна? Доьху сайх ца къехкар, Тем лоьхуш хьайнна. Дарвелла, малх цесттал, Со-м хьийза воьхна. Хир бу-кх и малх ц1еста Хьох куьйгаш тоьхна… Ведана, 1978 шо __________________ Дуьненчохь хьан меха цхаъа ца хета... Тешаме-тешаме, эсала-эсала...©

03.07.2008, 13:53	#182
цветок Зандака Вес репутации: 27	Хьо яц соьца х1инца: Г1айг1а т1ехили. Гена дели ирс а, Юха ца дан кхин. Га кагдели диттан. Дог1а т1ехтили. Ас мел ч1ог1а литтарх, Боьха диси хи. Зарзар кхин ца йийки, Эшарш ца лийкхи. Сан синхаам иккхи. Денлур бац и кхин.... Хоттане, 1977 шо __________________ Дуьненчохь хьан меха цхаъа ца хета... Тешаме-тешаме, эсала-эсала...©

03.07.2008, 13:57	#183
цветок Зандака Вес репутации: 27	Хьайна т1е вон деъча, нахе ма дийца, Хьайн деган к1оргенехь д1ахьулде и. Моьттуш хьайх доглаза массо ву кийча, Ма леха хийрачийн б1аьргаш чохь хи.. Мегар ду, кхечуьнца и хилча санна, Ахь дийца хьайн вон а, хьуо 1а ца лахь. Хьан дагна парг1ато хилча а ханна, Жимъяла там бу ахь лайначун къахь.. Делахь а, набаро хьайна не1 йоьллуш, Хезар ду хьуна хьайн г1енашна хехь Кхетамна галдаьлла хьайн син иэс доьлуш, Цул т1аьхьа и тийжаш хьайн дагна т1ехь... Победино, 1979 шеран январь Ма ца хаа вайна наггахь а т1е деана вуо деган к1оргенехь лачкъадан... __________________ Дуьненчохь хьан меха цхаъа ца хета... Тешаме-тешаме, эсала-эсала...©

05.07.2008, 02:22	#184
цветок Зандака Вес репутации: 27	Г1орийна зезагаш... Маьлхан б1аьрг санна и шайн кортош можа Лепадеш, техкара зезагаш байт1ехь. Мехаша г1аттийча шайн 1алаг1ожа, 1ара уьш, вовшашна т1ете1аш, бертахь. Ц1еххьана кхаьчначу шийлачу 1аьно, Кхелира зезагаш даточу тирца. Уьш денна шелдора лайн чимийн б1ано Кортош т1е беттачу эсаран кирца. Зезагийн хазалла яйра, бос байна. Азделла сов г1ийла уьш суна дайра. Уьш марг1ал дуьйлира, шело ца лайна. И сурт гуш б1аьрхиш а сан меттаххьайра. Со сихха кхийтира хиллачух т1аккха: Зезагийн г1орийна мутт лекъна хилла. Хетара уьш г1ерта сайга бехк баккха, Гича уьш лаьтта т1е д1адуьйшуш г1ийла. Доккха луо диллира цул т1аьхьа лаьтта, Деэшна зезагий къайла а дохуш… Уьш дагалоьцуш со х1инца а лаьтта, Къинхетам синпхенех сайн чекх а бохуш.. Саралжин, I974 шо __________________ Дуьненчохь хьан меха цхаъа ца хета... Тешаме-тешаме, эсала-эсала...©

05.07.2008, 02:24	#185
цветок Зандака Вес репутации: 27	Цхьаъ бен йоцург, хьо мичахь ю-те? Де дIадоьду, буьйса йогIу тIе, Шен боданца седарчий а хьоьшуш. Даг чохь башош сингаттаман ша, Мин-минотехь туьйсуш хьоьга са, Со а хуьлда цхьаъ хьо яре хьоьжуш. Цхьаъ бен йоцург сан кху лаьтта тIехь, Мел Iийр ву-те хьан аматийн хехь, Суна цкъа а гина йоцу хьаша? Ахь сан массо ойла дашо йо. Сан байташкахь боьзна яьлла хьо Сатийсамийн сирла гезгамаша. Цхьаъ бен йоцург… Хьо — ас доьIу са. Синхаамаш ас чугулбо цIа. Ала, мичахь ю хьо еха хIусам? Хьо схьалоьхуш, дуьне гездеш кIайн, Мел талламаш бан безахь а сайн, Хьо схьакаро ондда сацам бу сан. Цхьаъ бен йоцург. Ас хьо лохур ю. Со хьо йоцуш вайна ваьлла ву. Хилахь суна вай гале а реза. Со хьоьх хьоьгу шортта шераш ду. Хьо сан уггар коьрта лехам бу. Хьо цхьаъ бен со лууш вац-кха еза. Победино, 1980 шеран январь __________________ Дуьненчохь хьан меха цхаъа ца хета... Тешаме-тешаме, эсала-эсала...©

06.07.2008, 12:43	#186
цветок Зандака Вес репутации: 27	Боллан дитте Боллан диттан лайно къеждо генаш, Даг т1е туьйсуш йовхо йоцу г1енаш. Генийн кийрахь б1аьста идда мутта, Моьттур дац хьо лекъна хир ду гуттар! Лаьтта бухахь боллан къона орам Меттах ца хьов, хилча санна хорам. Б1аьста малхе кхийдаш хилла бохь а Х1инца г1ийла кхозу лаьтта охьа. Йицйи-те ахь, балл, хьайн къона зама, Хала ду хьуна шело эшон 1ама? Лаац хила хьо дорцана къера, Цуьнца къийсам латтабе, ма кхера! Гулдай дерриг хьайгахь хилла г1ора, Лаьттах йовхо ийзош, денбе орам. Хиларх х1ун ду хьо цкъачунна къоьжа: Маьлхан б1аьрг хьоь дегайовхонца хьоьжу — Кийча хила дег1 хьайн малхе даккха! Кийча хила б1аьста зазадаккха! Хоттане, 1978 шеран апрель __________________ Дуьненчохь хьан меха цхаъа ца хета... Тешаме-тешаме, эсала-эсала...©

06.07.2008, 12:44	#187
цветок Зандака Вес репутации: 27	Ц1а до-кха, х1иттадеш кораш, Не1арш а — оьшшучохь д1а. Хинйолчу шен уьйт1а нораш Шершадеш, безам а 1а. Чутуху тоьллачех аннаш. Хьалабо исбаьхьа тхов. Чоьнаш ю — безаман баннаш, Ткъа ц1а ша — кхолламан б1ов. Ц1а долу шатайпа серла, Къона шиъ чудерзадеш. Кхерч кхуллуш цаьршинна керла, Массара белхи а беш. Безам бац хьостамех ийна, Я къовлуш, т1етоьхна у. Амма ша чохь 1ачу ц1ийнан Г1ишлонал ч1ог1а и бу. Хоттане, 1975 шеран июнь __________________ Дуьненчохь хьан меха цхаъа ца хета... Тешаме-тешаме, эсала-эсала...©

08.07.2008, 13:08	#188
цветок Зандака Вес репутации: 27	Даго бен дог 1абош дац... 1. Ц1ехьа некъ бахьаш, со геннара вог1уш, Хьагвелла хьаьвзира, тоха са доцуш. Со, бердах схьалеша шовда а гина, Цунна т1е вахара, болар сихдина. Бертал а воьжна, ас и шовда шийла Мелира, 1абош сайн бохбелла кийра. Ша керчош лаьтташехь т1улгаш т1ехь махо, Сан дог 1абийра-кха шовданан даго. 2. Генахь 1аш дуккха а шераш а девлла, Вара со ц1авог1уш суо винчу эвла. Эвла чу со вулуш, хадийна аре, Сан езар 1аш яра хьоьжуш со варе. И гича, безаман йийсарехь 1ийна Сан дог г1аддахара цхьа тамашийна. Езачун даго сан г1айг1а д1амелла, 1абийра сан дог, шен йовхо а елла. 3. Езачун синхаам балийна берта, Кхечира со нана 1аш йолчу керта. Сов хаза хетарна, б1аьргех хи даьлла, Хьаьвзира сан нана вуно х1айтъаьлла. Нанна сагатдина, овгал сан деган Сатуьйсуш 1ийнера цкъа иштта де ган! Сан ненан даго, шен къинхетам ботуш, Сан дог шех 1абийра, барам а боцуш. Эххар ас сацам би дахаран хьаьттахь: «Даго бен дог 1абош ца хилла лаьттахь»... Саралжин, I974 шо __________________ Дуьненчохь хьан меха цхаъа ца хета... Тешаме-тешаме, эсала-эсала...©

08.07.2008, 13:10	#189
цветок Зандака Вес репутации: 27	Дерриг дицди… Кхийдац со кхин ирсан ц1аре. Суо 1аш ву со, кху тийналлех буьзна б1аьрг. Х1етте а, со-м ву сатуьйсуш цхьа йо1 гаре, Ца хууш ерг сан дахаран цхьа а хьаьрк. Цуьнан дуьхьа сайн г1уллакхаш д1а а тесна, Со шайх хьегна дерриг хьашташ довлуш сов, Цунна коч ян тоьлла дари, махмар эцна, Кхочур вара и 1аш йолчу юьрта со. Цунна т1аьхьа, гезъеш луьста, акха хьаннаш, Г1ур вара со, дорцехь техкош ага син… …Хир вара со тоьаш, тера хилчахьанна Ас цкъа мацах бехках лар ца йинчух и… Хоттане, 1977 шо __________________ Дуьненчохь хьан меха цхаъа ца хета... Тешаме-тешаме, эсала-эсала...©

09.07.2008, 02:26	#190
цветок Зандака Вес репутации: 27	Лекъаш, лекъаш… К1орда ца деш, эшарш лекхна, Сийна аьхке тили т1ех. 1оврийн доьхка юкъах доьхкий, Г1арг1улеш къилбехьа лоьхкуш, Гуьйре чоьхьа г1ерта кех. Некъаш дохкуш баца т1оьхла, Хийла хилла некъийн ох1ла, Даккъаш цоьстуш, лелла со. Къилбе доьлху олхазараш, Шун т1емаш к1ел сан ирс дара, Кхин ирс дуй-те хьаста дог? Лууш ву шу юхадахка Со а, шу а динчу махка, Нехан ареш тосуш д1а. Со-м ма вац сайн махкахь г1ийла, Лууш а вац т1ома вийла, Т1едог1уш Даймехкан 1а… I977 шеран сентябран 24 де __________________ Дуьненчохь хьан меха цхаъа ца хета... Тешаме-тешаме, эсала-эсала...©

Опции темы
Версия для печати Отправить по электронной почте