|
31.05.2008, 06:43
|
#141 |
Вес репутации: 9 |
* * *
Дацдала дуьйлало денош, Яссало гуьйренан хIусам. Дитташа, можа гIаш Iенош, Мехашна Iамабо узам. КIадделла догIу сан болар Тачанийн текхаргех къехка. Стиглара массо а кхолар Сан дагтIехь йочанех техка. Буьртигаш даточу тхинан Ца догу даттанан цIергахь… Ас хIун де гатлучу сина И хилча цхьаллина гергахь? Победино, 1979 шеран октябрь |
|
|
03.06.2008, 10:09
|
#142 |
|
Вес репутации: 0 |
Дерриг дицди… Кхийдац со кхин ирсан ц1аре.
Суо 1аш ву со, кху тийналлех буьзна б1аьрг. Х1етте а, со-м ву сатуьйсуш цхьа йо1 гаре, Ца хууш ерг сан дахаран цхьа а хьаьрк. Цуьнан дуьхьа сайн г1уллакхаш д1а а тесна, Со шайх хьегна дерриг хьашташ довлуш сов, Цунна коч ян тоьлла дари, махмар эцна, Кхочур вара и 1аш йолчу юьрта со. Цунна т1аьхьа, гезъеш луьста, акха хьаннаш, Г1ур вара со, дорцехь техкош ага син… …Хир вара со тоьаш, тера хилчахьанна Ас цкъа мацах бехках лар ца йинчух и… Хоттане, 1977 шо |
|
|
|
06.06.2008, 11:21
|
#143 |
|
Вес репутации: 9 |
Гуьйренан сибат...
Меллаша т1есерса дерз а, Сов юькъа яьржина дохк. Аьхкенан де, юхадерза! Шелделла сан дог де дох. Миччара! Чкъург керчош, хено, Бицбойтуш ц1ерпоштан мохь, Шен новкъа чаккхармаш 1енош, Сан дагт1ехь бити-кх цхьа муо. И муо бу аьхкенах къастар, Ла ца луш гуьйренан ткъарш. Б1аьрсинна г1арг1улеш къаьста, Хедаеш стигалан 1арш. Дерзинчу дитташ т1е дегза Ледадеш т1адмаш-туьтеш, Меллаша т1есерса дерза Г1арг1улийн б1аьрхиш ду-те? Хоттане, I973 шеран октябрь |
|
|
|
08.06.2008, 17:22
|
#144 |
|
Вес репутации: 9 |
ДIасакъастар
ЦIерпошт а, эххар а мохь тухуш къаьхьа, Меллаша йолало, со шеца хьош. Гинехь а, куьг ластош ахь сайна тIаьхьа, Ца хези-кх ахь аьлла тIаьххьара дош. Хьо юьтуш, дIавахар ца хилла атта, Цундела бац-кха сан синлазам туьйш… Чкъургаша рельсаш тIехь мел доккху тата Хета сайн дог деттадаларх дIауьйш. ЦIерпошт «Соьлжа-ГIала — Аштаркхне», 1982 шо |
|
|
|
10.06.2008, 04:58
|
#145 |
|
Вес репутации: 9 |
* * *
Сонтачу ойланца хьуна петоьхна, Вахара со кхечу марзоне хьаьдда. Соь болу хьан безам, тулгIе а тоьхна, Меллаша дIабайра, тай санна, хаьдда. Хенан мур, со вигнарг хьоьцанна берта, Хьаьрк хилла дIабахна кхолламан жайне. Чекхдаьлла дерриг, со ца оьшу гIерта Хотталуо баха а хаьддачу тайне. Амма шаьш хIинца а гIоране лоьруш Къаьхьачу ойлано дебочохь ваьснаш, ДоIахлахь стимах шаьш лелхарна кхоьруш, Тебна Iа сан дегайовхонан аьзнаш. Сайн дагахьбалламна юьхьдуьхьал воьрзуш, Лаьар-кха, эрна дуй хуушехь сайна, ТIаьххьара со Iехош, соьгахьа йоьрзуш, ТIаьххьарчу бIаьрца ахь мэл баккха хьайна… Дишни-Ведана, 1978 шеран март |
|
|
|
14.06.2008, 22:38
|
#146 |
|
Вес репутации: 9 |
Сингаттаме байташ
ГIайренан мехашна ветталуш мара, Эсала аз дагалоьцу ас хьан. Хаьий-те хьуна со мел лууш вара Хьан бIаьра хьаьжначохь даим а Iан. Хаац, со кху пана хIун лоьхуш кхаьчна, Лом санна, дахделла дижинчу Iа? Сан боккха сатийсам кхачийна, баьчна, Ткъа, гIайгIа, бод санна, севсина Iа. Саттосуш зарзъели стигланан чкъуьйриг. «ХIуп» аьлча, суй санна, бутт а дIабай. Охотски хIорда тIехь тулгIений уьйриг Атало, даржадеш шен цинцийн вай. Сира де хьан бIаьргийн бос бахьаш деъна, Куьйсачу кондаро етта шен йорт. Мотталой со хьуна хийисте веъна, Шовданах сан когех хьекхало хIорд. Победино, 1979 шеран октябрь |
|
|
|
21.06.2008, 14:43
|
#147 |
|
Вес репутации: 9 |
Чистым и душой и сердцем человекoм был Ибрагим, и грусть у него светлая ,никакой лжи и грязи.
Если бы Ибрагим еще был среди нас,я попросила бы у него разрешение собрать его стихи о любви в один отдельный раздел и назвать их -"Любить по Ибрагимовски" . Получился бы прекрасный путеводитель в мир благородства , чистоты и света,в мир ,где нету места дешевым показательным отношениям и дешевым опереточным сценкам.В отношениях прежде всего человек уважает себя самого , показывает свои лучшие стороны и дает другому то ,чего хотел бы получить взамен, а по другому ,это уже не любовь , ето лицимерие.Ни каждый способен быть мужчиной ,нашим современникам , к сожалению , более присуще поведение " Гиен" , а не "Волков".Ну что ж ,остается только надеяться ,что не все "Волки" вымерли , что не все мужчины стали в любви "на голливудский бульвар" дешевой любви!) Любите по "Ибрагимовски" ,будьте благородны в отношениях.Даже расставаясь,расставайтесь красиво ,по доброму , по мужски.)Мы же не англичане ,в конце-то концов!) * * * Муьргийн цIеша юьзна коьллаш, Декъа шах-ших когаш кIел. ГIаш ду оьгуш уггар тоьлларш, ТIомахь махо дохуш пел. Йоьду, сира стигал хедош, Йоккха жIуга гIаргIулийн. Вовшийн дезар халла къедош, Вайша вовшийн чIогIа зийн. Йогу гIанийн можа алу, ТIе «хIуп» бохуш дерзано. Вайга ваьснийн муьста талу Марзоне ца дерзало. Догу шийла туьтеш тхинан Мажъеллачу бацалахь. Ма къа ду вайн уьйран синан Вай хердалар ла ца лахь. Вайн къастаро тесна Iеха Цкъа а ца леш хир бу-те? ХIара гуьйре — некъ бу беха Суна тIера хьуна тIе… Хоттане, 1981 шеран гуьйре |
|
|
|
21.06.2008, 17:48
|
#148 |
Вес репутации: 27 |
Сайн нене...
Хебарша юьхь-сибат оху хьан, нана, Шераша месаш йо хьан т1етт1а сир. Сиркхонийн халбата хьо хиъчахьана, Хаьдда сан къоначу синтеман тхир. Комаьрша догучу хьан дагна гонах Дикалло яьккхина шен дашо тир. Ас дагахь 1амийна хьан амат къона, Къизачу хене и ца дайта шир. Сан нана, мел жима яр-кха хьо х1етахь. Ма сиха д1аели и мерза хан! Х1инца-м хьо хеназа алсам 1а меттахь, Хорам беш йогучу ойланна сан. Халла бен ца йолу уча я ара, Шеконца хьайн дег1е ладоьг1уш 1а. Ас х1ун дан дезар-те хьо яцахьара? Х1ун дийр ду-техьа ас хьо йодахь д1а? Хьо лаза хьакхийча, ас бала лов-кха, Гу санна, лахло-кха сан хьаштийн лам… Хьоьл хьалха вер ву со т1аьххьарчу новкъа, Хьоьл т1аьхьа дуьненах ца баккха чам... Хоттане, 1981 шеран апрель
__________________
Дуьненчохь хьан меха цхаъа ца хета...  Тешаме-тешаме, эсала-эсала...© |
|
|
|
21.06.2008, 17:50
|
#149 |
|
Вес репутации: 27 |
Вайшинна юккъехь...
Вайшинна юккъехь ю сийналла х1ордан, Вайшинна иза мел йинехь а к1орда. Вайшинна юккъехь ду ченийн к1айн некъаш, Бецашлахь, г1амаршлахь лаьхьарчех текхаш. Вайшинна юккъехь ду дарц ж1аьлех леташ, Б1аьсте а йог1ур ю, патарш а эт1аш. Вовшашна вай т1етт1а кхочу хан ларъеш, Вайшинна юккъехь 1а безаман лараш. Со царна т1ехула вог1ур ву ц1ехьа, Хьомениг, хьо соьга сатуьйсуш 1ехьа... Победино, 1978 шеран декабрь
__________________
Дуьненчохь хьан меха цхаъа ца хета... Тешаме-тешаме, эсала-эсала...© |
|
|
|
23.06.2008, 00:00
|
#150 |
|
Вес репутации: 27 |
Боллан диттан лайно къеждо генаш,
Даг т1е туьйсуш йовхо йоцу г1енаш. Генийн кийрахь б1аьста идда мутта, Моьттур дац хьо лекъна хир ду гуттар! Лаьтта бухахь боллан къона орам Меттах ца хьов, хилча санна хорам. Б1аьста малхе кхийдаш хилла бохь а Х1инца г1ийла кхозу лаьтта охьа. Йицйи-те ахь, балл, хьайн къона зама, Хала ду хьуна шело эшон 1ама? Лаац хила хьо дорцана къера, Цуьнца къийсам латтабе, ма кхера! Гулдай дерриг хьайгахь хилла г1ора, Лаьттах йовхо ийзош, денбе орам. Хиларх х1ун ду хьо цкъачунна къоьжа: Маьлхан б1аьрг хьоь дегайовхонца хьоьжу — Кийча хила дег1 хьайн малхе даккха! Кийча хила б1аьста зазадаккха! Хоттане, 1978 шеран апрель
__________________
Дуьненчохь хьан меха цхаъа ца хета... Тешаме-тешаме, эсала-эсала...© |
|
|
