|
30.03.2008, 06:52
|
#101 |
Вес репутации: 9 |
* * *
Седарчийн буьйсано биллинчу бIаьрго Тийналлин IиндагIна ца бетта пе. Сайн дагалецамехь ас лоьху мIаьрго Дуьххьара ялийнарг хьо сайна тIе. Мархаш а кIад ца ло беттаса къийса, ХIавао шайна тIехь мел бугIу бохь. Хьан вастан бIарлагIа тховса а хьийза Мохтиле ца карош сан бIаьргаш чохь. Буц а ю, зезагий оьхкина коча, Баьццарчу юьхьтIера дIахьоькхуш тхиш. Бохь-генаш уьйтIарчу хьаьрсачу хьочан Лоькхуш Iа сан дагна хьоьх лаьцна йиш. Iаламан аьзнаша буьйсанан карахь Хьо дагатийсарна кула ца йо. Сан чIогIа садукъло гIайгIанан марахь, Ойланийн куьг кочехь ца хилча хьо. Баттана юххера седарчийн хорха Маццалцца хир ю-те сан бIаьргийн стом? Эхарта йоьдуш сайн оьмаран йоргIа, Дин хийца йиш йоцу бере ву со-м… Хоттане, 1980 шеран аьхке |
|
|
31.03.2008, 02:10
|
#102 |
|
Вес репутации: 9 |
--------------------------------------------------------------------------------
Гуьйренан сибат... Меллаша т1есерса дерз а, Сов юькъа яьржина дохк. Аьхкенан де, юхадерза! Шелделла сан дог де дох. Миччара! Чкъург керчош, хено, Бицбойтуш ц1ерпоштан мохь, Шен новкъа чаккхармаш 1енош, Сан дагт1ехь бити-кх цхьа муо. И муо бу аьхкенах къастар, Ла ца луш гуьйренан ткъарш. Б1аьрсинна г1арг1улеш къаьста, Хедаеш стигалан 1арш. Дерзинчу дитташ т1е дегза Ледадеш т1адмаш-туьтеш, Меллаша т1есерса дерза Г1арг1улийн б1аьрхиш ду-те? Хоттане, I973 шеран октябрь |
|
|
|
01.04.2008, 09:35
|
#103 |
|
Вес репутации: 9 |
Цхьалле
Шийла цхьалла, суна евза хьо, Девза хьан гIайгIанийн хIора сиз а. Сан дахаран хийла къона шо Дагий ахь хьайн набарзаллехь къиза. Сица луьттуш хийла хьоме цIе, БIаьргаш хьалха хIутту хийла иэшам. Амма кхачарх уггар Iаьржа де, Со ца къахко хьаьжна ирсах тешам. Ваьхна со, дуьненах тардеш цIа, Юххехь воцуш вевза-везарг цхьа а. Цхьалла, агарх ахь сан ховха са, Со хьан ницкъе къар ца велла цкъа а. Шела, 1981 шеран февраль |
|
|
|
02.04.2008, 06:18
|
#104 |
|
Вес репутации: 9 |
Зама
Зама йоьду, шен ма-хуьллу хьаьдда, ЮьхьтIе етташ дIадаьллачун чан. ЙогIий-кхочий сан оьмаран хьаьтта, Хийла хадий цо сан ирсан гIан. ХIан-хIа, цIерхазамна ас ца биъна Замане суо къар ца вайта дуй. Суна дукхе-дукха хьалха хиъна Лаьттахь иза эшош собар дуй. Ас цундела хьалха лоьллу мАса Хенан новкъахь сайн поэзин дин, БIаьрца маракъуьйлуш лаьмнийн Аса, ТIехьа дуьтуш сингаттаман Iин. Сайн оьмаран чоь мел хиларх готта, Лало соьга денойн чорда дукъ. Дезча мостагIашна дуьхьалхIотта Тухур бац ас, кхеравелла, букъ. Ловр ду дерриг. Амма бу цхьа кхерам: ХIун дийр ду ас езар кхетта лахь? Гихь дIахьур бу хено сан синкъерам, Со векалвеш накъост лаца — яхь… Хоттане, 1981 шеран май |
|
|
|
02.04.2008, 14:42
|
#105 |
|
Вес репутации: 0 |
Т1ехилий, кхаллахь тхан кхача,
Т1ех мерза бацахь а чам, Хьо хиларх лулахо, хьаша, Я деган доттаг1а сан. Ма ала: «Йиъна ву х1инцца». Ма ала: «Кхоийна 1ац». Вовшашца вай йоькъуш нийсса, Йиънарг бен мерза ма яц. Т1ехилий, вуха ца те1аш, Хьажахьа, муха бу чам, Нагахь со лоруш, со везаш Хьо веънехь х1усаме сан... Хоттане, 1974 шо |
|
|
|
02.04.2008, 22:55
|
#106 |
|
Вес репутации: 9 |
Машаре бу стиглахь х1ора седа,
Беттан серло дебон г1ерта тхи… И тхи дуй-те, шу д1ахьовсош, х1етахь Наной б1аьргех дийлла долу хи… Nu pokazhite mne xot' odnogo poeta,kto sravnil by slezy materi s rosoj.Ja uverena,esli by zhizn' Ibragima ne oborvalas' tak vnezapno,nespravedlivo rano,on zatmil by vsex chechenskix poqtov,vsex bez iskljuchenija.Da on i tak luchshij iz luchshix.On dejstvitel'no byl izbrannym,potomu Allax i zabral ego , navernoe , tak rano...Dala dek`al vojla Ibrax1im! |
|
|
|
04.04.2008, 01:44
|
#107 |
|
Вес репутации: 9 |
Ибрах1им Юсупов
-------------------------------------------------------------------------------- ГIаргIулийн назма Хийистехь вайшиъ лардеш, лаьтта гуьйре. Шовдано вота етта тIулгаш тIехь. ДIо мархаш ялош шен зIаьнаршца уьйре, Малх каде хьийза баьлла гIушлакхехь. Лаьттарчу ирсах хьоьгу стигал екош, Хезаш ю къаьхьа назма гIаргIулийн. Вайшиъ цIадоьду, дегнаш вовшех хьегош, Йоццачу ханна кхузахь гар хуьлий… ДIадоьду вайша шен-шен новкъа цIехьа, Хиларх а ший а цхьана юьртахь Iаш. ГIаргIулийн назма вай гуш гIелло гIеххьа, Ма хуьлда-кх и вайн ирсан тIома каш… I977 шеран ноябран I0 де |
|
|
|
05.04.2008, 05:50
|
#108 |
|
Вес репутации: 9 |
Ибрах1им Юсупов
-------------------------------------------------------------------------------- * * * Цомгаш хуьлу дитташ гурахь, Шийла чарп тIейогIий хоршин. Ца латтарна шайна бухахь Вайша, бIаьра хьоьжуш вовшийн. Дитташ цомгаш хуьлу гурахь, БIаьрса гIеллуш, лагIлуш хазар. Хоттаничохь, ДаьргIахь, Гуьнахь – Массанхьа ду диттийн лазар. Хуьлу дитташ цомгаш гурахь, Ла ца яллал мехийн Iиттарш. Хьан сурт гича ирсан гурахь, Толур ду Даймехкан дитташ. Хоттане, 1974 шеран ноябрь |
|
|
|
09.04.2008, 03:27
|
#109 |
|
Вес репутации: 9 |
Хьекъале латта
Моллас дIанисбешшехь упханийн лами, Шабарца лаьтто а элира «Амин». Коша тIе буттушехь хих буьзна чами, Лаьтто а шабарца элира «Амин». Чурта тIе язъелча стигалан ами, Элира шабарца лаьтто а «Амин». Мохь тоьхнна доIа дан хилча а аьтто, Со теша, и дийр ма дацара лаьтто. Велларг а, шех терра, тийна гуш, атта Кхетара веллачух хьекъале латта. Хоттане, 1980 шеран октябрь |
|
|
|
11.04.2008, 22:26
|
#110 |
|
Вес репутации: 9 |
Адамашка
Цхьанна а гиний-те, буьйсанех иэдеш сан денош, Гуьйрено лайн чимаш, ткъа Iаьно можа гIаш Iенош? Цхьанна а хаьий-те, хьунаре сан болар делош, Мила ю сан некъийн чевнашна дарбанаш лелош? Сахалин-гIайрене муьлхачу кхожо со тесна? Дахаран хеттаршна жоьпаш а ас муха эцна? Адамаш! Мацца-ъ со дIавоьдуш эхартан пана, Ас шуна яржийна юьтур ю сайн иллийн кана. Амма мел лерина листарх сан оьмаран жайна, Цхьанна а хуур дац ас мичахь хIун бала лайна. Цундела ма мотта со ваьхнехь, ца лелош хIилла, Диканах вуон къасто ца хаъал со Iовдал хилла… Талдысай, 1982 шеран июнь Дала декъал войла хьо, Ибрах1им,ма инзаре ц1ена дог долуш адам хилла-кх хьо. Кто желает понять,о чем Ибрагим нам говорил,тот поймет ,а не желающий ,просто напросто отмахнется.Но как много он сказал нам этим стихом,как -будто всю свою жизнь раскрыл перед нами. Он оставил нам в наследство самое дорогое что у него было,его стихи,даже уйдя из жизни ,он не перестает учить нас любви , милосердию ,сочуствию, доброте. Он любил нас всех, людей знакомых и незнакомых,родных ,близких,чужих ,далеких - всех ... Стыдно нам не быть достойными его любви,его ожиданиям... |
|
|
