|
19.08.2008, 11:12
|
#1271 |
Вес репутации: 27 |
* * *
Боккхачу тIулга тIе хиъна Iа буйннал цхьа хьоза, ГIерташ шен эшаршца цецбаккха ламанан арц. Цундела полланан йозалла белшаца оза Ас лаьцна Iалашо, хетарехь, ца хир-кха харц. Ишттачохь деба-кха шовкъаша даьккхина орца, Керлачу иллешца лакхбеш сан поэзин бохь, Хьозалго екаеш тийналла зоьрталчу орцан, Ас узуш белшаца мискъалан зарратал мохь… 1илман Юсупов
__________________
Дуьненчохь хьан меха цхаъа ца хета...  Тешаме-тешаме, эсала-эсала...© |
|
|
19.08.2008, 11:13
|
#1272 |
|
Вес репутации: 27 |
Сан дагалецам
Сан дагалецам, хьо хетало шатайпа оти, Кораш а долуш сан сина т1е дерзийна нийсса. Кхетаман б1аьргашна тишделла хьайн куц а дотий, Д1ах1утту цкъацкъа хьо сан даг т1е сингаттам тийса. Хьан ц1енкъахь лаьттачу тийналлин шийлачу пеша Шераша, «х1уп» бохуш, кегайо сан ирсан овкъарш. Хьан массо сонера, 1ийдалуш, байттамал леша, Т1е гезгамаша а тесна 1а къоналлин шовкъаш. Лилхина ерриг хьан тхов т1ера безаман гериг. Ма дуьра ду х1инца цунна чекх мел долу ладар. Цкъа цхьана заманчохь ма иштта дацара дерриг!.. Ма атта нислора хьуна чохь шиннах ц1е латар… Делахь а, сан дагалецам, хьоь цхьа дехар ду сан-м: Сих ма ло т1екхета, сан кхиэлан т1аьххьара х1усам… 1илман Юсупов
__________________
Дуьненчохь хьан меха цхаъа ца хета... Тешаме-тешаме, эсала-эсала...© |
|
|
|
19.08.2008, 11:14
|
#1273 |
|
Вес репутации: 27 |
* * *
1аьнан малх меллаша чубузуш бу. Коьллаша вовшашца IиндагIаш къуьйсу. Ца хууш маса де ша хьоькху ду, Лайн чимийн синош тIехь махо пал туьйсу. Когашна кIел тесна кIайн кетар лайн, Суьйрено ламаз до шовданна лулахь. Со лакха кийчча ву син пондар сайн, Хьо яре хьоьжучу ойлано булахь. Иллешна мийладеш дахкаран мутт, Матта тIехь лаладо ас дети байтан. Ас цуьнах бийр бу сайн безаман бутт, Хьо цуьнан серлонгахь сайн дагна гайта. 1илман Юсупов
__________________
Дуьненчохь хьан меха цхаъа ца хета... Тешаме-тешаме, эсала-эсала...© |
|
|
|
19.08.2008, 11:15
|
#1274 |
|
Вес репутации: 27 |
* * *
Даймехкан гIаролехь хан йоккхуш сема, Бухтоха кийчча Iаш кхерамаш тIеман, Букъ тIехьа лоьцуш шен дай баьхна кхерч. Даггара вецаш шен халкъана, цIийнна, Ша хьанал даьккхинчу рицкъанан сийнна Лоьруш шен куьйгаш тIехь мел кхиъна берч, ДагтIера дIайохуш стешхаллин гIоьмаш, Даггара кхиош шен ойланийн стоьмаш, Поэзин дитта тIехь кходуш шен га, Цхьа маьIна билгалдеш, кхоллалахь шеко, Майрра бIобулуш шен иллин аз деко, Дош кхуллуш, дошамах ца етташ ка, Вар-валар гайтаран терахьийн йоза, Кадолуш шен байтийн терзанахь оза, Шен дагалецамаш абаде хьош, Халонех чекхвуьйлуш, ца лиеткъаш цкъа а, Шен юьхь тIе ца юллуш туьтмIаьжиг цхьа а Верг ву-кха хьакъ ала Даймахках дош… 1илман Юсупов
__________________
Дуьненчохь хьан меха цхаъа ца хета... Тешаме-тешаме, эсала-эсала...© |
|
|
|
19.08.2008, 11:16
|
#1275 |
|
Вес репутации: 27 |
***
Хии суна, бес-бесарчу ойланашка вуьйлуш, Дуй хьан амат сан дахаран цхьа шатайпа кица. Цуьнан ховха маьIна дац-кха сан кхетамна къуьйлуш, Ас и айса тегна дела догуш долчу сица. Некхан бердаш хьоьстуш, доьдуш ду хьан месийн татол, Нека хууш доцу бIаьрса хьерчош шена буха... Хьайн беснешца алу хилча дуьне довха латтол, ХIунда дуцу ахь сан лаам бехка эхьан чуха? Синхааман гIушлакхе хьан дегIан малхах хьоьгу - Цхьа а марха тIехь а йоцуш, кхетар бу и маца? Цхьаллин баьрччехь кхозучуьра сан син текха оьгу Ахь седарчий лийса кхехьна сатийсаман цаца. Синпхенашца ас тIедоьху сайн синметте хьарча Ховхачарех лаьхьарчий - хьан дегIан горга сизаш... Хьо гуш юй ас хьайна йина мукIарлонийн ларча Иркено тIе суй а тесна, сан балдаш тIехь сийсаш?.. ГIенашкахь бен дист ца хилла хьоь сан эвхье дехарш. Уьш а шовкъан уьрсо дагах даьхна цастарш ду сан... Сан безаман малик ду хьан юьхь-сибат тIехь дехаш, Дола яккха ца хIуттуш хьан бIаьргийн сийна хIусам... 1илман Юсупов
__________________
Дуьненчохь хьан меха цхаъа ца хета... Тешаме-тешаме, эсала-эсала...© |
|
|
|
19.08.2008, 11:17
|
#1276 |
|
Вес репутации: 27 |
***
Хьан амат охьуш ю сан деган кахьар, СадаIа, бохуш, ахь ма е и чеха: Хьагаме хьан дегI ду - сан бIаьргийн шахьар, Берриг а сатийсам сан цигахь беха. Сан дагалецамна хьо гIенах гича, Сан кхетам шел ца бо гIайгIанан шано. Ас хIун де сайн ойла йийсаре йича Хьан куьцан къайленийн ховхачу бIано? Хилахьа эсала хьайн месийн дуьхьа, Дог ирча ца хиллал хьуо хилча хаза. Дац-кха сан идар хьан озана дуьхьал Сатийсар кIоршаме хьан Iиттарш хаза. Дуьнен чохь хьо мел ю хир яц-кха йоьхна Сан дегайовхонан экаме гIовла. Хьо - дашо хьостам бу сан даг чу тоьхна Хено сан малбина синхаам къовла... Хьуна тIе ас бечу сутарчу некъах Шен хIайкал дан гIерта синхьехам мерза. Сан кхиэлан гIопаста юзий хьайн некхах, Цкъа меттахдаккхахьа сан куьйгийн терза... 1илман Юсупов
__________________
Дуьненчохь хьан меха цхаъа ца хета... Тешаме-тешаме, эсала-эсала...© |
|
|
|
19.08.2008, 11:18
|
#1277 |
|
Вес репутации: 27 |
***
Шахьарш а йитина, веа-кх со хьо еха эвла ган. Цхьа урам бу кхузахь геннара сан даг тIе богIуш... ГIенах бен ца хийша йоллу хьо сан ирсан гIевланга, Сан Iаьржа месаш хьайн куьйгашца серла а йохуш? Хьан некхан герканаш товр хилча сан кхиэлан терзанахь, Ширбелла белахь а, сан буто сатийсам узуш, Харц хилар мэлехь ду хьан дешнийн курачу герзана Даге а ца хоттуш, ахь ша сан безамна кхуссуш. Дуьхьало ца ялуш эхь-бехкан иркечу омранна, Гуттар а буьйлина латтабарх бехкаман гур ахь, Хьан бIаьргийн бIаьстено-м йовхо ло сан деган орамна Шелоне и гIора ца байта къастаран гурахь. Суйранна хийисте гуллучу сан ларийн пхьоьхане Ла ца ло, хьайн хьажар дIаидош, ахь кхерам тийсар. Шеконан нахарца ас хьиэ чохь деш долчу охане ХIу дIадер санна ду ас хьоьга денна сатийсар. Кхачахь а цIеххьана къизачу къастаран дера де, Йиц йойтуш хьан эвла - дуьненан цхьа башха кийсиг, БIаьрг тоха лууш хьан аматан дезачу зерате, Сан иэсан неIаре хIуттур ю ойланийн гийзиг... 1илман Юсупов
__________________
Дуьненчохь хьан меха цхаъа ца хета... Тешаме-тешаме, эсала-эсала...© |
|
|
|
19.08.2008, 20:50
|
#1278 |
|
Вес репутации: 27 |
Сан дой
Сан денош дой ду, уьш ца Iебаш хоьхку ас дахаран арахь. Шо-гуо чекх мел бели, керланиг кхин болон уьш кийча ду. ГIеххьачу реманан да волчу суна а-м хало ду ала, Маса дин хир бу сайн берриг а, бисинарг маса гуо бу. КIайнчу дойн бергаша хIост динчу некъашца — сан хазахетарш. Iожа дой толаме кхачаран билгало — безаман кхаъ. Расха дой бахьанехь дикачу нахаца со цхьаьнакхета. Борачийн толамо, оьшшучохь гIо дина, велаво цхьаъ. Хьалхарчу могIарехь сираниш нислуш а меттигаш йогIу. Цаьрца ю сан гIайгIа, сан дагахьбалламаш, даг чуьра вас. Царна шед етташ со челакхчу дахкарлахь некъ ца гуш вогIу — Цундела со церан толамна кхин башха тIера а-м вац. Буьззина мах хадош, ца ваьлла сайн дойх со довха дош аьлла. И алар, шераш дIа мел кирчи, ша дазлуш сан декхар ду, Цахаарх, муьлха дин хьалха а баьлла, со дуьненчу ваьлла, Я иштта, муьлха дин тIаьхьа а бисина, д1акхелхар ву… Угар а хьомечу дойша дог ирсе деш шаьш долчу ден, Дехкина бIиллигаш дIаяздеш, артбелча сан кхиэлан къолам, Ахьа а боккхур бу цхьа а шех ца хьоьгу хьайн къиза толам, ХьаргIанан тIомал а Iаьржа дин — дахаран тIаьххьара де…. 1илман Юсупов
__________________
Дуьненчохь хьан меха цхаъа ца хета... Тешаме-тешаме, эсала-эсала...© |
|
|
|
19.08.2008, 20:54
|
#1279 |
|
Вес репутации: 27 |
«ДЕГАН ЦАСТАРШ» цикла юккъера
*** Сан хьиэ баар - и цхьа корматалла Елла хьуна, ойла, кхолламо. Деган хьуьнах хьо ца йогIуш талла, Куьг даий сан тоьпо-къоламо... *** Юрт дIаюьжу машаречу махкахь набъян ирсе, Амма даим сема Iа-кха, эIенаш туьйсуш, хан: Тхан бешана гIенах гойту цо тхан дедайн ирзе, ЦIенна дуьхьалтосу цигахь хилла лаппагIа... *** Воно шелвеш, дог ас ухьу, ша башийта тIера, Сайн оьздачу къоман садеIаран Iаьнарла. Сан иллеш ду - сан Даймехкан салтий могIарера - Нохчийн мотт бу церан уггар коьрта инарла. *** Уьйзу ас оьмаран комаьрша хьелий, Мел къаьхьа хиларх а оцеран шура. Сайн ирсан даьттано ойла токх мел йин, Кхоьру со даларна сайн илли кура. *** Кица ларий мукъане а, ахь цхьа хьесап делахь Сан йишхаьлла Iачу дагехь долу хьал толлуш: Дети дош а долуш, вистцахилар деши делахь, Мила хир ву мотт ца хууш волчул хьал долуш?.. *** Дахаран дукъ доруш, Iожаллин Iовраш чухьалхар ДIасацо вал бале, стаг цара дIавадош ву. Цундела теша со: муьлххачу поэтан кхалхар Шен тоьлла иллеш цо эхарта дIадахьар ду... *** Деган кан хьистина гIайгIанан луьйдиг Iовша дIахIуттушехь сан иллин могIа, Лайн борзан бепиган ховха-кIайн буьйдиг Яа дIаболало мацбелла мох а... *** Дуьненан лазамо шен дагна гуо лаьцча кхалха, Илли бен лор воций ма-хии шен дагар дайдан, Поэта кIайн кехат дуьллу шен бIаьргашна хьалха - И ду цо ойланийн уммате бартхотту майда… 1илман Юсупов
__________________
Дуьненчохь хьан меха цхаъа ца хета... Тешаме-тешаме, эсала-эсала...© |
|
|
|
19.08.2008, 20:59
|
#1280 |
|
Вес репутации: 27 |
* * *
ЗIе етта ахь соьга, экаме синош а дохуш, Геннара сан лере кхачаеш хьайн озан тов. Iаткъаме дехарш до соьга хьуо йиц ма е бохуш, Iийжаеш йирзина яланза къастаран чов. Амма хьо ца теша ас хьайга хьуо еза аьлча, Сайн деган куьзга ду ас аьлча хьайн дегIан куц. Со вуха вогIур ву, хьан цхьалла мох хьекхна яьлча, Эсаран бос эцна ялале хьан месийн буц. Ас хьуна юха а канашкахь яхьар ю бIаьсте, Сайн деган дургална тIедоьхуш хьан денойн вай… Кхоьлинчу ойланийн бIостане уьйриг а бастий, Кхин цкъа а лахахьа цу юккъехь цхьа сирла тай…. 1илман Юсупов
__________________
Дуьненчохь хьан меха цхаъа ца хета... Тешаме-тешаме, эсала-эсала...© |
|
|
